இன்றாயினும் எப்படியேனும்...

உன்னையே நினைந்து
உன் நினைவையே வாழ்ந்து
நீ சிரிக்கும் போது சிரித்து
அழும்போது அழுது
நீ பார்க்கும்
கண்ணாடி போல் ஆகிவிட்டேன்
உன் அருகினில் மட்டும்
எனது சுவாசம்
சுருதி மாறுவது கேட்கவில்லையா...??
உன் கண்களில் மட்டும்
என் பார்வை
பலமிழப்பதைப் பார்க்கவில்லையா...??
உன்னிடம் பேசும் போது மட்டும்
என் இதழ்கள் இறக்கை கட்டிப்
பறப்பது தான் தெரியவில்லையா...??
இன்றாயினும் எப்படியேனும்
புரிந்து கொள்ளேனடி...
இன்னும் எவ்வளவு காலம் தான்
உனக்குமாய் சேர்த்து
நானே காதலித்துக் கொண்டிருப்பது........??