என்ன பேசிக்கொள்ளும்...

ஊரெல்லாம் காதல் மழை பெய்யும் போது

என்ன தான் நீ குடை பிடித்துச் சென்றாலும்

மழைச் சாரல் உன்னைத் தொடாமல் விடாது...

மழை வரும் போலிருக்கிறது

மறக்காமல் குடை எடுத்துப்போ

பிறகு,

நீ நனையும் அழகைப் பார்த்து

மழைக்குக் காய்ச்சல் 

வந்துவிடப் போகிறது...

எதையும் தாங்கும் இதயம் வேண்டும்

இறைவனிடம் வேண்டுகிறேன்

என் காதலைத் தாங்கும்

இதயத்தை என்னவளுக்குக் கொடு...

பேசியே கொல்கின்றன

உன் விழிகள்

பேசாமல் கொல்கின்றன

உன் இதழ்கள்...

உன் மௌனமும்

என் மௌனமும்

சந்தித்துக் கொள்ளும்போது

என்ன பேசிக்கொள்ளும்...!